(Puisi Berbahasa Bugis)
PUISI, SABDATA.ID – Benneng bittara ripojali
Padalaona tappere ulaweng massusung pitu
Kuniritu alebbireng kaminang maraja
Onrong massulekka ri paddissengeng wanua lino
Lele bicara to riolo
Mancaji deceng mpinru' ampe-ampe
A'tenning matone' matti ri lebo' tana
Kupasekki, idi' kallolo minasae
Engkalingai nasaba atutung ri ade'
Pariati ri paccing nawa-nawa
Mappesona ri Puang Seuwae:
"Ala maseasea mua
Tau naompori
sessekale
Nasaba ri wettu
baiccu'na
de'memeng naengka
ma'guru
Baiccu'ta mitu
nawaji' siseng
Narekko battoani
masussani
Nasaba maraja
nawa-nawani
Enrengnge pole toni
kuttue" *)
Iyanae paseng ri langi'
A'gurung battoa
Werekada tau panrita:
Sokku'pi amaccangnge
Tettoppi lempu'e
Waranipi nasaba tongeng
Getteppi ri teppe' mappasseuwae
Nakiengka lolongeng
asalewangeng :
Ata ripuriona
Allata'ala.
-Blk 2021-
_____________________
Terjemahan:
PESAN DI LANGIT
Andai cakrawala menjadi permadani
Seumpama tikar emas bersusun tujuh
Di situlah kemuliaan paling agung
Tempat meraih ilmu di alam dunia
Baca juga: Puisi, "Doa Untukmu Desa Tugondeng" oleh: Andi Gilang Ramadhan Mahrus
Tersebar kata bijak leluhur
Menjadi modal yang baik bagi perilaku
Pegangan kokoh
Kelak di perut bumi
Aku pesan kalian wahai generasi harapan
Dengarkan sebab cinta pada hukum
Resapkan dalam hati yang suci
Berserah diri ke Zat Yang Mahaesa:
"Ala maseasea mua
Tau naompori
sessekale
Nasaba ri wettu
baiccu'na
de'memeng naengka
ma'guru
Baiccu'ta mitu
nawaji' siseng
Narekko battoani
masussani
Nasaba maraja
nawa-nawani
Enrengnge pole toni
kuttue" *)
Inilah pesan langit
Pelajaran berharga
Ungkapan orang berilmu:
Baca juga: Puisi, "Guruh Senja Raya" oleh: Indah Rahmani Yahya
Kecerdasan yang cukup
Tegaknya kejujuran
Berani karena benar
Istiqamah dalam agama
Itulah penyulut datangnya keselamatan:
Hamba diridai
Allahu Taala.
___000___
*) Elompugi; nyanyian Bugis klasik (anonim). Maksudnya:
Sia-sialah anak yang menyesali diri. Sejak kecil tidak mau menuntut ilmu (bersekolah). Ketika besar, baginya susah untuk belajar karena sudah berat beban pikiran dan dihantui rasa malas.
Penulis: Mahrus Andis
0 Komentar
Beri komentar masukan/saran yang bersifat membangun